کارونیات{الملاشيه}
Amir salehi
26 فروردين 1392برچسب:, :: 21:27 ::  نويسنده : amir

البلدنا وهم شوارعنه وحينه؛

اشتكينه والخجل عتنه وحينه؛

المييت سمع لوعتــــنه وحــينه؛

 تطورش ماسمعنه ابهل قضيه؛

****

ردنه يــاقطــار العمر ردنه؛

البلدنا البي كبرنا واله ردنه؛

الهدم بايد من الدمعات ردنه؛

وعمر بايد من الهم والأذيه؛

****

المر ابغيــبة احبـــــابي لــــهم صـــار؛

ابأسئ و صرّة اسئ ابروحي لهم صار؛

العلــــي صاير مظـن لحظه لهم صار؛

اصبحت شــــجره وتغده اللهب بيه؛

****

مــدامک ما ترید الوصل لهـــواک؛

علـــي ابعد بعــید ارجوک لهــواک؛

اشتظن اهواک اظن مجنون لهواک؛

ابسبب ماظل گلب یشتاگ بیه

****

غـــوج اموادعک یاولف غیره؛

 الي ولا تشــعل ابهل گلب غیره؛

تعال الحب یناهي ارجوک غیره؛

ابکره حتی ابعد اطیوفک عليه

*****

تل اهمــوم روحي راح اتلها؛

وكتب ذكراك بالهم راح اتلها؛

العينك عيني فدوه راحت الها؛

ابرخص بس كون صاحي امنالأذيه

****

ابـــوکاحه لا تهيج الجرح خله؛

ابــنزیفه البي بگایه اطعون خله؛

تظــــن عــود الیون مابیه خله؟!

يگلبي الخلل منک موش بيه

*****

اون وادری الیون باللیل ماله؛

عذر والشوگ عل محبوب ماله؛

تسأل عن جرح ملچــوم ماله؟

یگلبي وهذا منک صار بیه.

*****

الگلب بیدک امانه ابعشگ ودعیت؛

وکســــرته ابلا عطوفه واله ودعیت؛

اشکثر مدیت ادیه ابحزن ودعیت؛

عليک وعلی اگليبي العم عليه

*****

حسن مـــاهام بس عگله حسن هام؛

 حسن ضيم وتعب صاير حسن هم؛

یگلبـــــــي لا تون خوفي حسن هم

يون ويكثّــر اللوعات بيه؛

****

حسـن انشد حسن عنك حسن وين؛؟

 حسن ون من الم جرحك حسن ون؛

حسن تمشي ابدرب مظلم حسن وين.

تريد ابيا متاهه اتدور بيه!؟

****

الک ســـــولف دلیلی بلمشاعر؛

 ویریتـك كون یسمر بلمه شاعر؛

صرتلك نهر يجري بلماء شاعر؛

غرگ والموج عالي ابکل نویه؛

****

سید حسن الشریفی

26 فروردين 1392برچسب:, :: 21:27 ::  نويسنده : amir

 

سید حسن الشریفی

 

بک انهي العمر يا ولفي بك ابداي؛

 حيـــاتي و ناظري لجلك بكه بداي؛

 ابنبض گلبي ونفس ریتی بکبداي؛

ابشرايني غرامك يجري بيه

 ****

ها یل ما تردلــــــي الوصل ها یــــل

علیــــــــّه اتراب ضیم الدهر هایــــل

اسمعت شعري وتگلي الشعر هایل

وانه ابشعري انذبح چم حسن بیه

*****

 يــهل تمشي ابمسير العشگ بهداي

 على جسمي الذي امنل ضيم بهداي

 اسنين اهدي ومظن امشيت بهداي؛

 یگلبي اليا مصيبه اتسیر بيه

 

****

ركيكه العين وانت اعرف شــــرکها؛

 الهجر و افراگک وشوگک شــــرکها

 تســــأل مهجتي ابهجرك شرکها ؟

جدم فرگاک رکها وعم علیه؛

****

ابألف ها الجرح یصحی والف ها؛

 ینـــــــام وروحـــی اتناطر ولفها؛

اظل لاوین اغطــــــــیها ولفـــها؛

 الجروح اکثار استر یا بلیه

 

****

بردنه امنل حچی البارد بردنه؛

 انبردنه و مبرد الوحده بردنه؛

 بردنـــه الاثر ظل ثابت بردنه؛

 ثوبي ايسولف اهموم العلیه

 

****

عليـــــه ابيا عسر تلحگ بياداي

 چثـــــیره و لهب شمّاتي بياداي

 بدت والنــــاس ما شافت بياداي

 ضحکتي اتغطي ضیم العاش بيه

_

چـــــف الحب غصب جرّک وعتبــــاک

اباسئ ومحّد سمع صوتک  وعتباک

ابوادي وکومـــــــة اذيــــــابه وعتباک

يگلبي اتريد تشرد يا نويه

26 فروردين 1392برچسب:, :: 21:27 ::  نويسنده : amir

 

سید حسن الشریفی

نخیتک

نخیتک والهضم تارس ادموع العین

وعلی اطراف البیابي اموچره العبره

نخیتک والذنوب ابلا عدد تنــــــقاس

وانت اعلم ابحال الشـــــــاعر وادره

نخیتک والصبر جف بریاض الروح

ومن بیر الصبر ماظل بـــــعد گطره

نخیتک والگلب ساحة مأسي وضیم

یزرع حزن روحه ویحصد الحسره

نخیتک والجــهل فایض نهر عالناس

وغشیم الراي یشرب من جرف نهره

نخیتک والارض تنزف نخل مذبوح

وعلی درب التفرق شیعو تـــــــمره

نخیتک والکســــــــر ماجبرّه الضمـّاد

الف شهر انتهن شیضمّـــد ابکــــسره

نخیتک والملح یمشی اعله جرح الگاع

وبـــدرب  المـــلح ما من بـــعد عثره

نخــیتک والحلم بات ابصدر اجیــــال

تعبنه منالمناطـــر ياهــــــو  الیفسره؟

نخیتک والسوالف خایفه مـن الجــای

وعلی الســــان الشعر تفتر الف شفره

نخیتک والشــــــمع ذاب ابجفن مظلوم

خلّص شمع عینه وشب شمع عمــــره

نخیتک والبشر صارت شجر مو ناس

وکــــل هاي الشـــــجر تتنطر الطبره

****

سید حسن الشریفي

26 فروردين 1392برچسب:, :: 21:27 ::  نويسنده : amir

سید حسن الشریفی

دوّر اشـــــفافک حبيبي ارجوک زين

خاف باگــــي الأثر من اشـــــــفافـــي

اذنوب وايد زارع ابشــــفتک واخــاف

غيــري يحصد وآنه اظلّن غــــافــــي

عندي يم ديرة اخدودک ذکريـــــــات

اهناک چنت امشي ابخلگ متعــــافي

اهنـــاک ذبّيـــت الخجـــــل يم العقيق

اهناک چنت اشـــــرب زلالک صافي

اهناک کل جمري ولهب طول الغيـاب

ابشــارع احضــــانک وصدرک طافي

يا طعم شـــــمّة هوه ابصــدر الغريج

ويـا دوه الما اظن غيره ايشــــــافي

منته هافي البخت يا ريم الــــدلال!!

اشــــخله بختک للتــــودهم هافي ؟!

آنه سفّانک چنت ماعنــــدي خـــوف

ليــــش تکســـــر يا بــحر مجذافي؟

ريحة انفاسک بعدهي اعله الثــياب

وبعده ظل ذاک الاثــــــر بچتـــافي

وحتی لون الاحمر ابردن الغمـــيص

وحتی شبــگاتک اثرهن دافـــــــي

****

سيد حسن الشريفي

26 فروردين 1392برچسب:, :: 21:27 ::  نويسنده : amir

 

 

 سید حسن الشریفی

 

وإن الکلمات تنحني اجلالا لک يا حبيب قلوبنا يا رسول الله

 

شمیت اسمک نســم طیب الورد بل هوه

 والــعگل بیک انسلب لا بل غرم بل هوه

 گالولي لهو الهوی عوف العشگ بل هوه

 والعاف درب الهوی من عال ابد ماهوه

مادرو گلب الفتی ابلهو الهوی ماهــوه

هاوي الــذي بالشعر ما ينوصف ماهوه

گالو محمد تحب ؟گلـــت الهوا بل هوه

........................

انته اول يا رسول

عذت من اشعاري کلهن من اجيت

وضيّعت دربي وتهت وين المسير

بزحمة افکاري وخيالي الماله لون

شفت کل وزن الشعر يمک کسير

جيت شــــايل ذنب بس کلّي حياء

ابيـــا وجه امدح صفاتـــک يا امير

انته اول نفـــــس تشتمه الصدور

وانتــه اول امل بعيـــــون الضرير

انته اول اســــــم مکتوب ابضياء

وانته اول نســم ممزوج ابعـــــبير

انته اول حلم تفســـــــيرک خلود

وانته اول قلـــــــــــم دلّانه المصير

   انته اول من صـــعد لهل السماء

وانته اول من گعــد يـــم الفقــــير

انته اول من شرح صدره بخشوع

وانته اول من فتح  چف الاســير

انته اول بالـــحرب وانتــــــه الامام

وانته اول بالدرب وانتـــــــه الخبير

انته اول رايه رفّت للســــــــلام

وانته اول غايه تضوي بکل مسير

انتــه اول مــن بعد رب العبــــــاد

انته اول والبشــــــــر کلهم اخير

****

سید حسن الشریفي

 

26 فروردين 1392برچسب:, :: 21:27 ::  نويسنده : amir

سید حسن الشریفی

نسمة عتب  

من اسولف ضیم هجرک للعصافیر

تحط یم بابــنه وما تقبل اتطــــــــیر

صار اســــنین حلمک ساکن العین

اجیب منین یوسف ینطي تفسیـــــر

نهر شوگــــک یبس ما ظل اثر بي

وماتت بالهجر کل النواعـیــــــــــــــر

عســــــــاها ابَخت کلمن گلک اتروح

وعســــاها اتصیبه دعوات المکاسیر

مو ایـــــــــــوب طبعي واصبر ابهاي

صرت شجره وعلي فزعت مناشیر

تفرهد کلشي بیه الحــیل والحـــــال

ابشرک ثمر زرعي ابلا نواطـــــــــیر

تعال و شـــــوف حالي ایبچي جلمود

مــثل ام الغریج وتشکــــــــي للبیر

مثل ضـــــایع ابوادي وکومة اذیاب

وین ایروح گلـــــــي ابیا جهه ایسیر؟

الصارن بیـــــک کلهن صارن اویاي

بس البیــــــــه ما ظن عندک ایصیر؛

 

سید حسن الشریفی

26 فروردين 1392برچسب:, :: 21:27 ::  نويسنده : amir
صوت الصریفه

دمعات عین القلم سالن لهب  علورگ....

وطیر القوافي شهگ حط اعله قمة جبل..

سکران بیّه الشعر يمشي اعله گاع الجرح..

يلچم ابغمج الالم وبگصته مامن خجل...

الموت مثل الهوا اشتمه صبح ومسه...

حتی اعله غصن الورد شفت الندی من یجی بچفوفه شایل اجل ...

صوت الصریفه طلع بس من طلع مارجع..

گالو اعدام انحکم لن چی تعله وصعد لآذان ذاک القصر ...

عمیه الشوارع صفت... واللیل خنجر یگص من کل ترافه کتر...

آنه ابسفینة امل واشراعي ضکّه الهوا ویاساعه هم ینکسر..

دیرة اجروحي وطن ...مزروعه لچمه وملح... و قانون عدهه الالم والشیخ بیهه الصبر...

ممنوع اضحک بعد لون الفراهه انطفه وماتت اعیون الشمس ..

فلاّحی ینطر مطر بلکت تجیله المزن وترشّله فرحة عرس..

مابین طیف وحلم شفت الضماير صحَت..وازهار روض الفکر من کیفهه فوّحت ..

  ها خوتی صاح القلم بس ما لگاله اذن..

یاهو الیسمعک بعد !!! یا قلمي عوف العتب ...انته اعله چتفک حمل واهموم کل الشعب..

یا قلمي بسک دمع خد الورگ مشتعل ....وحتی الشعر والوزن من شیل طولک تعب...

 

سید حسن الشريفي

 

26 فروردين 1392برچسب:, :: 21:27 ::  نويسنده : amir

 

یمکنکم تحمیل قصیدة

 نسمة عتب

بصوت سيد حسن الشریفي

26 فروردين 1392برچسب:, :: 21:27 ::  نويسنده : amir

 

یمکنکم تحمیل قصیدة

 سموم الهجر

بصوت سید حسن الشریفی

26 فروردين 1392برچسب:, :: 21:27 ::  نويسنده : amir

 

یمکنکم تحمیل قصیدة

یمه نام الولد یبني

بصوت سید حسن الشریفی

پنج شنبه 12 مرداد 1391برچسب:, :: 17:14 ::  نويسنده : amir
 

سید حسن الشریفی

 

یمکنکم تحمیل قصیدة الرجاء

بصوت سید حسن الشریفی

سید حسن الشریفی

 

پنج شنبه 12 مرداد 1391برچسب:, :: 17:14 ::  نويسنده : amir

 

هلي الما وصّف الواصف    وصفهم

کواکب ربک الحطهم       وصفهم

هلي یا مدرسة غیره       وصفهم

درس عزه و سخه و شیمه و حمیه

**** 

النوایب لو چست عزمک    من الخل

تبین البی دغش مخفي      من الخل

الکدایش لا تظن تصبح    من الخیل

فرق بین الثره وبین الثریه

**** 

جسم واعي لچن العگل   کلمیت

ولا سمعو ابد لو یوم      کلمیت

تعدهم ! لو تعدهم اظن    کلمیت

رجل ینعد ربع بالموزمیه

 ****

یناهي الهجر ناره اصبحت    وجره

ابدليلي وصب مزنها العین    وجره

العلي صار اعتقد ماصار    وجره

علی الخنسه اللي عاشت بل اذیه

***

یحادي العیس  من تحدي          بهاداي

دواي اوياک واجروحــــــــــي    بهاداي

یحادي الروح نـــــار الحب       بهاداي

تشب کلما تـــــباعدهم عليه

 ****

یاالهی الیسر طوّل      مایه لینه

وبير الصبر وشّل      مایه لینه

یاالهی الدهر طبعه     ما یلينه

ویعاملنه مثل باجي البریه؟!

****

سید حسن الشریفی

پنج شنبه 12 مرداد 1391برچسب:, :: 17:14 ::  نويسنده : amir

 

سید حسن الشریفی

 

هذه القصيده مهداة الی کل ام حنونه وکل زوجه وفیه وکل اخت شریفه

يأول من عرف گلبــــــي          هوه انتي؛

ويمن جرحي ابلمس چفچ         هونتــــي؛

الزاد انتــــي الشرب انتي         هوا انتي؛

 

الحياة انتي ووجودي وامل ليه

 

 

هذي امي

امي يا سورة حمد وي كل صلاة

 فرض واجب کون بس نـــقراها؛

 امــي كعبه وبيها قدســــــــيّة اله؛

 انطوف بيها و نلتــــجئ بحماها؛

 امـــي يا اعظم مره ابكل الوجود؛

 امي بــــس ربنا العرف معنـــاها؛

 امي لو تدعي تفز كل الســـــماء؛

 ويســـــتجيب الله الدمع دعــواها؛

 امي شيبــــــة راسـها اتهد الجبال؛

 رغم هذا ومــــا شــــــكت بلواها؛

 امي ما تبچي ابعسر لو مرها عوز؛

 ولا تعب هذا الوكـــت بــــچّاهــــا؛

 امـــــي مزوية كرامه ابكل مكان؛

 وين ما تمشــــــي الكرامه اویاها؛

 امـــــــي ماذلت ابد رغم العذاب؛

 كســـــرة الضيم ابصبر من ياها؛

 امـــــي يا شمعة امل دايم تذوب؛

 اشــما طفت نور الصبر ضـــوّاها

 امي اطهر من طهر ماي الوضوء؛

 الله من طيــــــــن الخلد ســـوّاها؛

 امي ديوان الكرم بنت الإصــول؛

 ايفيــض ما جف بالكرم يمــناها؛

 امــي گلب الجام عدها الكل فقير؛

 ينكـــــــــسر كلما اجه و نــاداها؛

امي مدرســـة الوفه ابهذا الزمان؛

درّســتنا الغيره ما ننســــــــــاها؛

 امي من تمشي النهر یوگف حیاء؛

 والــمجد يمشــــي ابأثر ممشاها؛

 ****

سید حسن الشریفی

 

  

پنج شنبه 12 مرداد 1391برچسب:, :: 17:14 ::  نويسنده : amir
 

 یمکنکم تحمیل القصائد التالیه

بصوت سید حسن الشریفی

  

قصيدة نسمة صبح

قصیدة الک مشتاگ

قصيدة هذي امي

                                              

                                                      

پنج شنبه 12 مرداد 1391برچسب:, :: 17:14 ::  نويسنده : amir
 

سید حسن الشریفی

 

همسة خوف

 

یل زرعتک... غصنک ابروض السوالف توه ورّد..

 وفاح سالوفة حزن للناس یشکي وعطره یمتد..

وما کو احّد..کلها نامت.

کلها نامت ..

 رغد نامت والحچي ابداخل صدرنه ایعیش مبرد..

والربیع انذبح صوته ومالحگ حتی ایتشهّد...

کفرونا...

 وگالو الیحچي الحقیقه ایعيش مطرد ..

وگالو اليزرع صبح للناس یندم ..و بيته یهدم ..

وماکو لون ايلوگ لطلوع الفجر بس لون اسود ...

 وگالو ايموت اللحن لو طیر غرّد..

وماکو طير ابفجر لحّن.

.والمآذن ماتت ومحّد اجاها .. محّد ابصوت الامل للناس اذّن ..

 کلها تدري النار تحرگ....

 وکلها تدري الماتعلّم عوم يغرگ ..

وکلها تدري الذله حنظل..والجرح لو خیط ذله ایشده ينشگ ..

 لچن لون الخوف ازرگ... مثل لون العاش لیله ابصوط ینطگ ..

آه يا کسر الخواطر جبره يکلف ....

وآه يا ذلة ارضنا البیها بس الملح ملتف..

 یا شعر بس انته تگدر.... بحال های الناس اعرف ..

.یاشعر رجع املنا الچان بعیون الطفل یزرع عرس ..

.احنا ملینا الظلام انرید مره اعیونا اتشوف الشمس ..

انريد حلگ الخوف ینسد .. انرید بحضان الارض بس خیر ینمد ...

وینعدم کل لون اسود .. ینعدم کل لون اسود

 *****

سيد حسن الشريفي

 

پنج شنبه 12 مرداد 1391برچسب:, :: 17:14 ::  نويسنده : amir
 

یمکنکم تحمیل قصيدة همسة خوف بصوت سید حسن الشریفي

قصیدة همسة خوف

 

 

پنج شنبه 12 مرداد 1391برچسب:, :: 17:14 ::  نويسنده : amir

 

ياصاح عيد النصر يمتى ابسلفنه     يهل،

ونشوف نهر المجد ماي الكرامه      يهل،

خلصنه سير العمر نسأل نفسنه       يهل؛

يرجع ربيع الوطن لو ما نشوفه      بعد؟؛

عدينا ياما اشـكثر و ايـــام عدت       بعد؛

كلما نطول اليسر چفه عليــــنا       بعد؛

چا يمتى عود الوطن بيكم يفاخر      يهل؟

 

 

 

متى ابحي العروبه العيد       يهلاي؛

 

ومن ماي الكرامه بغزر       يهلاي؛

 

اشدهاكم ماوعيتو اشعجب     يهلاي؛؟

 

الخصم بدياركم دگ ساس غيه

 

سيدحسن الشريفي

پنج شنبه 12 مرداد 1391برچسب:, :: 17:14 ::  نويسنده : amir
 

سید حسن الشریفی

الوداع الاخیر

 

بعده مو موسم حصادک..

لا تدگ باب المناجل ...

انته توها ابگاعک امخضره السنابل ...

یل مشيت وحزّنت کل القوافي... کلها تسألني عليک.. وردة البستان تسأل ..

والنهر والليل يسأل ..وحتی تغريد البلابل ..

ماگلت ماراح اردّن .. لیش خليت الجرح يکتب شعر..؟

ترید اقنع؟ وين الگالک عذر ...

مشّطت کل الدروب ومالگيت ابدرب هجرانک اثر ..

وين ادورک؟ .. اثر جدمک طمته ارياح السفر..

ليش ما ويّاک اخذت احروف اسمک ..؟

آنه اي کلمه تهزني البيها من اسمک حرف..

يل مشيت وصورتک ظلّت تحوم ..

اشما انامن عالمخده.. الصوره تطلع بالسگف...

 ليش تزرع للشعر شوک وظلام ..؟وتذبح ازهار الضوه ..؟

وليش تترکلي الجروح وتاخذ اوياک الدوه ..

ابيا عذر ترجع واشوفک ..؟ وانته هجرک عادم انفاس الهوه ...

 

سید حسن الشریفی

 

پنج شنبه 12 مرداد 1391برچسب:, :: 17:14 ::  نويسنده : amir

 

سید حسن الشریفی

 

الک مشتاگ

الک حضّرت دمعي وجرحي واشواگ

ودفاتـــر ذکريـــــاتي وکومـــة اشــــــعار

والک زارع حچي ابّســــــتان شکواي

وصل موســـــم حصاده ولــــــم الاثمار

ابشــــرک جرحي بعدک خلّف اجروح

و ربــن کلهن ابصـــدري وصارن اکبار

وابشــــرک خلگي خیط ابشمعه موجود

اشتظن خيط الشـــــــمع لو والف النار؟

سولفتک شعر واعيوني کلــهن خوف

اخـــــاف امن السوالف تفضـــح اسرار

تعال العمر شــــــجره ابصحرة افراگ

صــــــــار اســـــنین انطر تنزل امطار

تــــعال ازهـــاري ذبلن يا ندی الشوگ

تعـــــال انثــــــــر نداک وفرح الازهار

تعال اســـــــنيني لمـــــهن طارن ابعيد

لوه چفــّـــــي الخريف وصرت طشّار

اريــــد البــــــس فـرح مليت الاحزان

تعبت امن الحزن صــــــايرلي تگـدار

الک مشــتاگ .سمچه وفارگت مـــاي

وانــته ابّيــــــن چفّک شـــــــايل انهار

  ///

سید حسن الشریفي

 

پنج شنبه 12 مرداد 1391برچسب:, :: 17:14 ::  نويسنده : amir

سید حسن الشریفی

 

عيني متروسه سوالف

عيني متروسه سوالف ..لیش ما تسمع دمعها..

روحي تنزف.. ماکوغيرک مرهم ايداوي جرحها...

يا امس لا ما نسيتک ..بعده مابين الشعر والروح بيتک..

ما نسيتک.. لأن حتی ابيوم عفتک بالنفس تفتر لگيتک..

يا کحل عين السوالف ..رمده عين الشعر بعدک..

آنه من باب العتب داخل عليک ..

وحيل ادگ الباب حتی ابغيبتک لا تنسی وعدک..

....

لیش تحرم روحي تشرب ماي وصلک...

وانته تدري امنل عطش لحظه واموت ...

 انته تدري الخلگ خیط  و جسمي من فرگاک شمعه ..

 وانته تدري العمر یخلص لو خلص بالنار دمعه...

.وانته تدري اللیل خنجر یطعن ابظهر السکوت..

و آنه ساکت والعمر بالهم يفوت ...

وانته تدري الصبر حیره ..

 الصبر دیره..

و اترکتني ابگاع صبري و ما بگه بمتعاعی قوت ..

ردني یم شاطي الوادع ..

 ردني یم بحر الضیاع البي عفتني  ابحلگ حوت ..

 البی عذابی ...

و ذکریاتي ..

و حبل اعدام الکلام العفته بلساني یلوت...

کلشي یمک ما شکیت ...

وکلشي یمک ما حچیت ...

 ومن مشیت بس رفعت اچفوفي لله وفیّضت دمع القنوت ..

///

سيد حسن الشريفی

چهار شنبه 7 تير 1391برچسب:, :: 19:31 ::  نويسنده : amir


یناهي ابشم وجنتک علي من من
لجل تنزاح علتي الغدت من من
منّي من أهلک من الناس من من
تخطّر یاترف وگطعت بیّه

****************************************

حبیبی المن افراگه الگلب بیداء

حده الحادی ابظعنه وگطع بیداء

غصب بعدوه عنی ولون بیداء

حصل ضل منفصل وتصل بیه

 



ادامه مطلب ...
چهار شنبه 10 خرداد 1391برچسب:, :: 18:35 ::  نويسنده : amir

من دون الدهر دهری علی مال

احمل واتبع الشالو علی مال

اجیت اعدل زلف ولفی علی مال

هدل کتفی وکسر وحدة من ادیة

شنبه 6 خرداد 1391برچسب:, :: 19:12 ::  نويسنده : amir

 

امس یم گنطارة اهلي شفت شیبه منجرح

او چان ایصیح الجرح خزن دوا ماظن له یصح

اسئلته یاهو انته یگلي آنه یا عمّی الملح

الحلفو بیّه وخانوني

***

الماهو طمعي ابخوته یوفي ضما ذخرک للمضیق

وتلگه من ناموسه اغلی عنده ناموس الصدیق

هذا اخو مشوار عمرک کمل اویاه الطریق

للموت احفظ ایدک بیده

***

صدگ عوز الأهل عازه الشرف گایل والشرع

لچن کل ماهلک کثرت کون تحتاج الربع

الله مثلک جعل ربعک بالخصایل والطبع

هه...الحر بس الحر طار اویا

الشاعر ریاض ثامري 

 

 

شنبه 6 خرداد 1391برچسب:, :: 19:12 ::  نويسنده : amir

 

 

 


وحگ کلمن شهم والیحب ناموسه

ابحوافر خيلنه کل معتدي اندوسه

احنه اربات الفشگ والماو والهوسه

او لو هوسنه الکون انشیله

***

الشرف لهلي یاهل تنشد تفصل ثوب

واخبرنک اسمهم بالگلب مکتوب

هلي صاحو بحين انتصرو اعله الطوب

الطوب احسن لو مگواري

***

هلي عدوان من ارض الوطن زاحو

او لجل الدین چم واحد چتل راحو

ما ننسه اهلنه البالحرب صاحو

یالهاوي الجنه امشی اویانه

الشاعر عبد العباس بیت صیاح  

ماخوذ من مدونة نجل العروبه

 



ادامه مطلب ...
شنبه 6 خرداد 1391برچسب:, :: 19:12 ::  نويسنده : amir

زعل مني اخوی ابیوم ابحچي الموزين رزيته

او حلفلي مايطب بیتي ولا آنه اطب بیته

بس ابیوم ثار الماو اجه امحزم ابچفیته

جدامي إعله الصد ذب روحا

***

صبح صاحب فضل عالربع منهان

او طبیعي الهان گوما صبح منهان

لجوجي إشما اگله ادرب منهان

یلاگي الماي عمده ابلا وعيّه

حچاي الصدگ مذموم اوحچي الچذب اذانه

او شخص الشایف ابعینه یفرق عن سمع ذانه

اگلّه السبع هاذهوا یگلي هذا امکانه

محتار اویاه امخلیني

الشاعر عدنان المطرودي   

 

شنبه 6 خرداد 1391برچسب:, :: 19:12 ::  نويسنده : amir

انه ابن الهور والمگوار انه ابن النخلة والجيران

و ابن تمرة الگنطار ولذة هوسة المعدان

انه ابن الگصب لو یختاض روی الدم تهد نهران

الشر ما یبرد حار بحار

الشاعر حميد العيداني

شنبه 6 خرداد 1391برچسب:, :: 19:12 ::  نويسنده : amir

 

 

یاصبح ما هل صباحک ليش قافي ابليل امس

والنجم سهران گاعد لأن ماشاف الشمس

یا صبح حسسنه صبحک بینه چنک ماتحس

شو فجرک طوّل چا وينه

***

علم ابنک عالحقیقة ودرسّه ابأحسن درس

گله بويّه المجد مجدک اغلی من مال وفلس

ماشي النشمي ابکلامک ولا تماشي المایحس

مايعرف دربا و ممشاته

***

الما عبر بحر المعالي او ماعرف اشلون ایفوي

ما اخلّي الايد بيده وما اگولن هذا اخوي

للمجد احچي الحقيقة الچنت سامعهه من ابوي

عفيه ابني الماطاح اعگاله

***

ابهذا الوکت لو تسمع خويّک طايح ابشده

احضرله ابعزم وابشوگ وخله ایودک او ودّه

العايل لو سمع خوان هاذهيّه الذي اترده

مایگرب حد بي تفاگه

الشاعر توفيق الداوودي ( دورقي ) 


شنبه 6 خرداد 1391برچسب:, :: 19:12 ::  نويسنده : amir

هوسات صوتیه للشاعر حميد العيداني


شنبه 6 خرداد 1391برچسب:, :: 19:12 ::  نويسنده : amir

هوسه صوتیه لشاعر عبد الله المطرودی

 

 

شنبه 6 خرداد 1391برچسب:, :: 19:12 ::  نويسنده : amir

هوسات صوتیة للشاعر محسن الفرحاني

شنبه 6 خرداد 1391برچسب:, :: 19:12 ::  نويسنده : amir

حافظ شرف عز اعضاک یلی اترید تتعله

وحط روحک جسر بلکون لسمک لا تمر خله

البس سمل من اعضاک وادفه ابازرگ اچله

عریان اللابس من غیره

****

ابطیب عنزهم عمامک بیها خل یگوه العمر

مثل ما تخدم انخله ومن عثگها اتیر تمر

ابن عمک چف لیمن سده یوگف لزمر

ینتاز ابصدره ایلاگیها

الشاعر عامر السعدي

شنبه 6 خرداد 1391برچسب:, :: 19:12 ::  نويسنده : amir

ارد اسولف بالحقيقة وارد اسولف کل مکان
یبقی اسم دیرتنه عالی إشما یفر بینه الزمان
الفلاحية اسمهه اشلون اگولن شادگان
یبقی العز ناطور البیهه

محسن الفرحاني

شنبه 6 خرداد 1387برچسب:, :: 1:44 ::  نويسنده : amir

 

قصیدة جرح بیت الشعر

فی رثاء الشاعر الراحل سید ناظم الهاشمی

و المرحوم طاهر السلامی

          

و زمیلهم سید جاسم(رحمت الله علیهم )

 

 

یا طلعت شـــــعر مکتــــوبه وسط الروح

 کاتبـــــــــــــها ابقلم و الحبر دم شریان

 

یا اطهر قصیـــــــــده الما تمسها اذنوب

      الماهی ابــــوزن واحد جمعت الاوزان

 

یا صوت المحمـــــره الیطرب الاهواز

  او عبـــادان منـــــک ضل یوزع دان

 

یانـــخلت الـــدورگ والگصب والمای

                   اومن شعرک الهوراویلسمچ سکران

 

یا بحـــــر القصاید و العتب و الهات

                   او کارون ابحنینک یروی کل عطشان

 

وینـــــــک فارگتنی ابساع طاهر لیش

                                        مو سمعی الکلامک عاشگ او لهفان

 

تعال ارجع علی طگگ دلیلی اعلیک

                                  یا صور المحنـــه او للصور تیجان

                                                  

یبو شاکر اخلافـــک دم بچـــت لشعار

                                         او مالومه القوافی السگف والسیسان

                                             

    خذیت اویاک روحک لیش طاهرهیچ

                                      میشت انته اویناظم جسم ویه الروح

                                                

  طبـع بیت الشعر شد ظهرا بل سچین

                                   یعنی ابشانــکم لل ابد ضل مجروح

                                           

  جرح بیت الشعر ماظن یفیده اعلاج

                                شیطیبه الجرح لو ینزف او مملوح

                                              

اویاکم چان بیت الشعر قصر اشواگ

                                  ضل جثت رسول اعلل ارض مطروح

                                               

حبــــر قلمی البیکم چـان اخضر لون

                                  مای اسود علل ورقــــات ضل ایفوح

                                        

      الغزل مات ابجفاکم والنخل مکصور

                              و امکدر نهرنه او ضل دلیله اینوح

                                              

و الگمگم تلثـــم هم دریتــــو اشلون

                               ابچفیتک یجاسم و النظر مشبوح

                                         

ایباوع عل درب بلکت یجونه ابیوم

                               یل بیکم یضل بیت الشـــعر مفتوح

 

 

شنبه 6 خرداد 1398برچسب:, :: 1:20 ::  نويسنده : amir

 

عبدالحسين الباوي

ريت الدموع اليوم بالدم تهل كون

چي ولفي وي الغير شافته العيون

اجاب الشاعر الدکتور عباس العباسی الطائی

ولف المشه اویه الغیر ما یسوا دمعات

کون اعله راسه اطیح بلیمنه صگعات

ابوسميرالناصري رد الی الدکتورعباس الطائی

بلشت بالصگعات دكتور اشوفك ! حاوره و شوف اشبي رايد يعوفك ؟

اجاب  الدكتور الشاعرعدنان غزي

چي شفته وي الغير تبچي او نعيته

انه ابحظن عدوان نايم لگیته

ابوسميرالناصري

الي ابحضن عدوان نايم لكيته

 طابور خامس چان بس مادريته

 

جمعه 5 خرداد 1391برچسب:, :: 18:27 ::  نويسنده : amir

یابستان......یابستان

فرحنّـي تعنیتک یَابـیــت الفَرَح والنعمه

یل من بابک اترد راضیه النسمه

یل حنّیت بیدک چم شطب ریحان

حنّي اچفوفي بالتکي الحمر

لو حني چَفیني ابفُرط رمان

یابستان

جیت اعکر هرش نعناع بالبربین

أتسله بخضار البیک واتّـنشگ عبیر الطین

جیتک ضایج امن البلد والحیطان

جیت اتشابگ اویه الخضره والنهران

یابستان

الله ایعمرّک

حزنّـي ابهواک انزاح

دفتر شعري ذَب ثوب الحزن

واصبح یشابه زهرة التفاح

یابستان ....یابستان


لو یتــعیّر البطیخ بالمیزان

بطیخک الینشر تم عطر بطیخة الدورگ

اظن عطره الکریم ایدوخ الگبان

یابستان

حسن عاشور القنواتي

جمعه 5 خرداد 1391برچسب:, :: 18:27 ::  نويسنده : amir

المرأة والحنین في شعرالابوذیّه

نضیر الخزرجي

 

للأدب فنونه وأشكاله، وهی موزعة على النثر والنظم، واذا تعاملنا مع فنون النثر فنجد التشاكل من حیث المؤدى فی بعضها، ولا یتخلف فن النثر عن هذا الأمر، ومثل هذا التشاكل نجده بین فنی النثر والنظم وإن كان من الندرة.
ومن صور التجانس من حیث النتائج العامة هو التشاكل القائم بین فن القصة القصیرة وشعر الأبوذیة، فالقصة القصیرة تختلف عن الروایة والقصة الطویلة مع إنها تضم أركان القصة كافة إذ تحبك ببضعة أسطر أو بضعة وریقات، وحتى الروایة أو القصة الطویلة لها أن تتمدد وتتشعب وهی بحاجة إلى الأدیب الذی یصوغ كلماتها ویشبك حوادثها بحیث تتحول القصة التی نراها فی فیلم سینمائی من ساعتین إلى مسلسل من ثلاثین أو خمسین أو مائة حلقة أو أكثر أو أقل. وشعر الأبوذیة بالنسبة إلى ألوان الشعر هو شبیه من حیث المؤدى إلى القصة القصیرة، فالأبوذیة حدث متكامل ینتظم فی أربعة أشطر له جناس ثلاثی ذات كلمة واحدة مختلف المعانی، لكن المتمیز فی الأبوذیة أنها حدث تراجیدی فی معظم الأحیان تتفطر كلمات أشطره وجعا، وإذا نظمها الشاعر على لسان الحال، فانه یضع نفسه مقام المصاب فیستنطق عصارة كبده ویعزف الأبوذیة لحنا جنائزیاً على أوتار الفؤاد المكلوم.

تابع الموضوع

جمعه 5 خرداد 1391برچسب:, :: 18:27 ::  نويسنده : amir

الجناس في الابوذیه


الدکتور هاشم الفریجي - کتاب نقد الشعر الشعبي

لایخفی ما للجناس (الأرواح) في الأبوذیة وغیرها من المجنسات الأخری کالموال والمیمر من اهمیة خطیره .وبلاغة (فهذه الأنواع لاتتم شروطها إلا بصحة جناساتها إضافة لما تقتضیه شروط الشعر الأخری من وزن وقافیه) تفتقد بعضا من شروط صحة الجناس لسبب أو لآخر - وکثیر من ابیات الأبوذیة بما في ذلک _لکبار الشعراء . وقبل الخوض في هذا الموضوع  الشائک

لابد أولا أن ابین ما هو الجناس .. وماهي أنواعه في الفصحی والعامیه


الجناس فی الفصیح
یقصد بالجناس او الألفاظ المتجانسة تلك الكلمات التی لها لفظ واحد ومعان مختلفة، والكلمة مشتقة من التجانس أی إنها من جنس واحد من الحروف التی تدخل فی تكوین الكلمات، واقصد أنَّ الكلمات ربما لا تكون حروفها بنفس ( التسلسل) ورغم ذلك فهی متجانسة.
جمعه 5 خرداد 1391برچسب:, :: 18:27 ::  نويسنده : amir


ابوذیات الاستاذ ملا فاضل السکــراني للجوال
 
 

 
هذا الکتاب قابل للتثبیت علی جمیع اجهزة الموبایل حیث یعد من فایلات جاوا و یتکون من 37 صفحة حوت 300 ابوذیة من الشاعر العربي الکبیر ملا فاضل السکرانی
 
بامکانکم تحمیله من الرابط التالی :

 تحمیل 
ابوذیات ملا فاضل للموبایل
 
انتاج هذا العمل من رضا نبگانی


اطلالة علی الشعر الشعبي في خوزستان (المهداوي نموذجا)


الدکتور رسول بلاوی

من یتمعّن فی الشعر الشعبی فی محافظة خوزستان الإیرانیة سوف یتبیّن له أنّ شعراء هذه المحافظة استخدموا نفس الأغراض التی طرقها شعراء العراق(کالمدح، الرثاء، الفخر، الاخوانیات، الغزل، الاجتماعیات،...) ونفس الفنون المتداولة فی العراق (کالابوذیة، الموال، الدارمی، العتابة، المیمر، ....)، وهذا یدلّ علی صلتهم الوثیقة بالشعر العراقی فقد أثّروا وتأثروا به..

 

من أبرز الأغراض التی  طرقها شعراء خوزستان هی قضیة الالتزام بحب اهل البیت (ع)، فقد أقبل الشعراء علی مدح ورثاء وبیان مناقب أهل البیت(ع) فی المناسبات الدینیة وفی دواوینهم الشعریة فمعظم الدواوین المنشورة أُفرِدت لمدح ورثاء اهل البیت (ع).. هذا ما یدلّ علی مدی التزام الشعراء بحبّهم واذا تتبعنا مسیرة الشعر العربی فی خوزستان سوف نجد بأن هذا الالتزام کان موجودا لدی الشعراء الخوزستانیین فی فترة الانحطاط .. فشعراء السادة المشعشعین فی هذه الفترة التاریخیة والتی تُعتبر إزدهارا للشعر العربی فی خوزستان بل فی ایران، کانت دواوینهم تزخر بمدح ورثاء اهل البیت (ع).. هذا ابن معتوق الحویزی فقد اشتهر بحبّه لأهل البیت وأکثر شعره مقصور علیهم، ذکره الأميني : لم يكن شاعرنا أبو معتوق العلوي نسبا ومذهبا، العلوي نزعة وأدبا ..

 

ولد فی الحویزة سنة 1025 وتوفي في يوم 14 شوال سنة 1077 هكذا أرّخه ولده في مقدمة ديوانه (اسم الشاعر سید شهاب الدین بن احمد ومعتوق ابن الشاعر فلا یُدری لماذا اشتهر بأبن معتوق والصحیح: ابو معتوق) .. كان من عباقرة شعراء أهل البيت عليهم السلام فخم اللفظ، جزل المعنى، قال السيد ضامن بن شدقم في [تحفة الأزهار ج 3 ]: كان سيدا جليلا، حسن الأخلاق، كريم الأعراق، فصيحا أديبا شاعرا ثم ذكر نبذا من شعره، وذكره صاحب [تاريخ آداب اللغة العربية] ج 3 ص 280 وقال : إنه مشهور برقته . وقال البستاني في دائرة المعارف ج 10 ص 589 : إنه من أعيان القرن الحادي عشر توفي سنة 1082، وكان له شعر رقيق، وسجع منسجم، وترجم له الإسكندري في (الوسيط) ص 315 وقال : شاعر العراق في عصره.

 

یقال ابن معتوق هو الذی أبدع فن البند.. والبند بشكل عام هو : فن شعري شاع في الأهواز(خوزستان) والعراق في القرن الحادي عشر الهجري واتخذته الشاعرة نازك الملائكة والشاعر السياب في العراق كأداة وحجة للتجديد فأشارت نازك الملائكة مثلاً الى شعر البند والموشح كنوعين لهما قرابة او نسب بالقصيدة الجديدة (الشعر الحر).. البند يتكون من مجموعة مقاطع، وجميع المقاطع تنتهي بنفس القافية، كذلك يعتمد البند في تركيبته الإيقاعية على التدوير، وتتالى القوافي الداخلية.

 

 أما بالنسبة للشعر الشعبی فی محافظة خوزستان فقد أبدع الشعراء فنوناً غیر معهودة من قبل لدی الشعراء الآخرین .. من أهمّ وأبرز هذه الفنون هو فن المهداوی.

 

هذا النوع من الشعر الشعبی یُعتَبر خوزستانی بإمتیاز، من إبداع الشاعر مهدی ابن مله فاضل السکرانی وأُطلِق علیه المهداوی نسبةً الی اسم الشاعر مهدی، کما جاء فی البیت التالی:

 

بوسام کل شاعر فطن هذا الشعر وسمیته

وبخیر کل وسمي النزل یسگی الارض وسمیته

خلدّته بسمی أو دوّنت اسمه ابثقه وسمیته

و الیسئلک عنه ابعجل جاوب یخی مهداوی

 

یتألّف المهداوی من اربعة شطور، الثلاثة الأولی متحدة القافیة بالجناس اللفظی مختلفة المعنی، والشطر الرابع یُختَم بالألف والواو والیاء، کالبیت التالی:

 

مُهر الشرف للما عرف گدر الزلم منغیره

او منهج اهلنه ایضل فخر النه وأبد منغیره

ما ینحسب منه الیود یچسب فخر منغیره

منه البنه بیده المجد والصوت اله أصبح داوی

 

کما نلاحظ یتکون الشطر الواحد من المهداوی من خمسة عشر هجا عند التقطیع، ویأتی علی وزن یختلف تماما عن اوزان الخلیل المعهودة فی الشعر العربی.. وهو « مستفعلن مستفعلن مستفعلن مستفعل». وتکرار "مستفعلن" فی الشطر الواحد اربع مرّات یساعد علی موسیقی البیت..کما نجد الشاعر یعمد الی الحفاظ علی موسیقی المهداوی من خلال ظاهرة التکرار واستخدام المفردات المموسقة ففی البیت السابق مثلا یرکّز الشاعر فی الشطر الثالث علی مفردة (الیود) بدل (الیحب) وابدال الکاف الی (چ) فی مفردة (یچسب) للحفاظ علی الموسیقی.. فحرف (چ) فیه موسیقی خاصة، یقول الشاعر:

 

چا وشحلات الچا چا شنهی انته       والحچی ابدون الچا چا شنهی لذته

 

ولننظر الی المهداوی التالی وتکرار حرف (السین) ومفردة (الحسد) فیه:

 

حِس الحِسد عند الحَسد یهل الحسد حسدونی

و اللی حسدنی ابلا سبب چی بالرتب حسدونی

اشما بعد عدکم حسد یهل الحسد حسدونی

لحرگکم ابنار الحسد وأمضی ابفله العز طاوی

 

فتکرار حرف (السین) فی هذا المهداوی یساعد علی موسیقی البیت فکأنه نغمة موسیقی هادئة تتخلل البیت..

  ومن خصائص المهداوی طول الشطر الواحد بالقیاس للفنون الأخری کالموال والابوذیة والعتابة والمیمر، فهذا یساعد الشاعر علی حشد معانی مکثّفة.

یقول ابو فیصل غبیشاوی أحد شعراء خوزستان یصف هذا النوع من الشعر:

حالی شعرکم وانصبت منه ابمرض سکرانی

او سئلونی سکران او گلت عدکم عجب سکرانی

گالو خمر شارب گلت سامع شعر سکرانی

أحدث شعر هذا العصر وأکمل وزن مهداوی

 

 

المصدر :مدونة الدکتور رسول بلاوي

جمعه 5 خرداد 1391برچسب:, :: 18:27 ::  نويسنده : amir

دراسة موسعة في أنواع الأبوذية *

د. هاشم الفريجي

تقسم الإبوذية إلى أقسام عديدة:

1 – (المولد) وهو الذي يأخذ جناسه من كلمة في بيت فصيح ويضمن معناه أيضا،
وهو كثير في الإبوذية. ومثاله بيت للشاعر حمزة آل ياكوت الفتلاوي أو للشاعر حسين الكربلائي الذي ولد جناسه من كلمة (سلوها):

وَلا تَقْتُلُوْهَا إن ظَفَرْتُم بِقَتْلِهَا
وَلَكِن سَلُوْهَا كَيْفَ حَلّ َلَهَا قَتْلِي

فقال:

رُوْحِي ابْضَيْم وِنْيَاحَه سَلُوْهَا
أحْبَابِ الْلِي يِحِبُّوْهَا سَلُوْهَا
سَلْمَى لَو ضِفَرْتوهَا سَلُوْهَا
إبْيَا مَذْهَب تِحِلّ إدْمَاي هِيَّه

ويقول الأستاذ البناء مجيد لطيف القيسي: ان المولد يُنظَم على (مستهل) من شطرين بقافية موحّدة.
فيأخذ الشاعر(نصف الصدر الأول) ويولِّد منه (نصف الشطر الأول) لبيت الإبوذية الأول،
ثم يأخذ (نصف رباط الإبوذية الأول) ويولد منه (نصف الشطر الأول) من البيت الثاني مثل هذه الأبيات للقيسي:

(رُوْحِي مَا تِمِل) صُبْحُ اوْمِسِيَّه
إتْنُوْح إو وَنّتِي الْفَگْدَك شِجِيَّه
(رُوْحِي مَا تِمِل) شَخْصَك شَمَلْهَا
تَرَاهَا الشُّوْگ چَاتِلْهَا شَمَلْهَا
غِدَت يَمْنَاي مَا تِشْبِچ شَمَلْهَا
(لَعِد فَرَگَاك) يَلْمِبْعِد عَلَيَه

(لَعِد فَرْگَاك) دَمْعِي سَال وَجْرَه

اوْغَضَه گَلْبِي لَهَابَه سِجَر وَجْرَه

إخِبْرَك بِالِمْحَتَّم صَار وَجْرَه

الْبِگَه ابْرَاسَك هَوَاك الْعَم عَلَيَّه


« تابع الموضوع » 

صفحه قبل 1 2 3 صفحه بعد

درباره وبلاگ

Amir salehi
آخرین مطالب
نويسندگان


ورود اعضا:

نام :
وب :
پیام :
2+2=:
(Refresh)

خبرنامه وب سایت:





آمار وب سایت:  

بازدید امروز : 3
بازدید دیروز : 2
بازدید هفته : 18
بازدید ماه : 136
بازدید کل : 103251
تعداد مطالب : 53
تعداد نظرات : 17
تعداد آنلاین : 1


\